Dankbares Erinnern und schmerzliches Vermissen stehen am Ende einer schönen Zeit. Liebe Adele, als Urgestein im Mini Lodn hosch du dreißig longe Johre mit ollen Höhen und Tiefen für und mit ins gorbetet, bisch mit Leib und Seal Verkäuferin gwesn. Längst bisch du a Teil insrer Familie gwortn, bisch olm für ins do gwesn und hosch Freud und Leid mit ins getoalt. Mit Wehmut hobm mir di im März in den längst verdienten Ruhestond gschickt, auf den du di sou sehr gfreit hosch. Es hot ins ollen sou weah getou, dass du gschwing dei niederschmetternde Diagnose gekriag hosch, mir hattn dir dei schiane Zeit uafoch nou von Herzen vergunnt. Mir hobm mit dir gezappert und ghofft, leider isch a ondrer Weg für dir vorbestimmt gwesn. Adele Vergelt's Gott, dein Lebm hot tiafe Spuren hinterlossn und a wenn du giahn gmiasst hosch, bleibsch du a Toal von ins - für olm! Liebe Verena und lieber Stefan, mir wünschen enk und enkern Familien viel Kroft in der schwaren Zeit. "die Kirchsteiger" mit Familien und ollen Mitarbeitern

Liebe Adele, es isch unbegreiflich schwar zu verstian, dass du niemer unter ins bisch. Nou gor nit long her bisch mitten unter ins gwesn voller Lebensfreid, Herzlichkeit und Wärme. Deine Lebensfreid, deine Offenheit und dein groaßes Herz wearn in insre Herzen weiterlebm. Mir sein unendlich donkbor, dass du a Toal va inserm Lebm gwesn bisch und für olls, wos du für ins getou hosch. Du bisch ollm do gwesn, wenn ma di gebraucht hot. Hosch ollm a offenes Ohr und a helfende Hond ghob. A die Maren hot di va gonzn Herzen gschätzt. Enkre gemeinsome Zeit und die Spaziergäng mit dr Flexi bleibm unvergessen. Wie oft hot sie gsog: Mit dr Adele konn ma iber olls redn. Und genau sou isch es gwesn. Mit dir hot ma lochn und scherzn gekinnt. Ober wenn s'Lebm mol schwar gwortn isch, bisch du a do gwesn mit offenem Herzen, voller Verständnis und Mitgfühl. Die Freindschoft mit dir isch a groaßes Geschenk! Heint stian mir do voller Trauer und frogn ins, wiesou du sou friah gia hosch gmiaßt. A Ontwort wearn mir woll nia kriagn. Wos bleib, sein die unzähligen kostboren Erinnerungen, die gemeinsome Zeit und die Spuren, de du überoll hinterlossen hosch. Du hosch inser Lebm bereichert und wearsch ollm an bsundern Plotz in insere Herzen hobm. In insre Gedonkn trogn mir di weiter in die kluan und groaßen Erinnerungen, in jedem Lochn und in de Gschichtn, de mir ins iber dir erzähln. Af deiner leschtn Reise soll di a Lichtermeer begleiten. Und oll jene, de dir vorausgongen sein, wearn di mit offene Herzen empfongen mit an Lochn, mit an Gsong und mit a Herzlichkeit, olls des, wos a du ins ollm gschenkt hosch. Der Gedonke spendet Trost und lott ins hoffen, dass du ietz geborgn bisch frei von Sorgen, Schmerz und Leid. Liebe Verena, lieber Stefan, bewundernswert isch, wia es enkre Mama in der kurzen, ober gleichzeitig sou schwarn Zeit begleitet hob. Mit enkrer Liebe, Fürsorge und Stärke hobs ihr Holt gebm und gezoag, wia tief enkre Verbundenheit isch. Enk und enkren Familien wünschen mir va gonzn Herzen viel Kroft, Trost und Zusammenholt für die kemmende Zeit. Insre Gedonken sein bei enk und wenn es ins braucht, nor sein mir do. Mir sein ins sicher, dass enk die Mama af oll enkre Wege begleitet, Kroft gib und als liebevoller Schutzengel iber enk olle wocht. Adele, du wearsch unendlich fahln. Stasi, Maren & Peter