Liebe Rita! Schu als Kinder sein mir ba enk olm willkommen gwesn, olle Tog hobm mir schu zmorget ba enk zuakearn gederft, bevor mir olle mitnonder in die Schual gongen sein. Mit dein roatn Golf hosch ins ibroll hinkutschiert: zan Kuppelwieser Morkt und za die Singwochn in gonzn Lond aus. A Fosnocht hatts ba ins ohne dir a nit gebm, hosch ins va oubm bis untn ingekleidet und Liadler inglearnt, bevor mir va Haus zu Haus gezouchn sein. Die erschtn Musistundn ba ins do hobm mir a dir zu verdonkn, später sein mir die Spielgruppenauftritte (mit viel Gepfnutter!!) olm a sehr willkommene Obwechslung gwesn. Vergelt's Gott Rita, für die schian Erinnerungen, dei du mir gebm hosch, sie sein zu wertvoll, als dass i sa jemols vergessn kannt. Ruhe in Frieden, liebe Rita, mit ollen, dei dir in die Ewigkeit vorausgongen sein. In deine "Madler" wünsch i gonz viel Kroft für dei schware Zeit! Xandra